中國海關破獲走私PS5等遊戲主機 - 2DJGAME! NOVO

「PS5」全球缺貨，唔少機迷等到頸都長，更聲稱每次去抽「PS5」都係冇希望，當大家重期待緊官方幾時會有大貨返嘅時候，中國國內就傳出海關破獲一宗涉嫌走私遊戲主機逃稅嘅案件，而案中所指嘅遊戲主機，就包括咗大量嘅「PS5」，網民就質疑到底呢批「PS5」主機到底邊度嚟，甚至直指「買唔到原來因為咁。」

【PS5】中國海關破獲走私PS5 喺中國國內，任何遊戲或影視作品若想進軍中國市場，都必須經過「廣電總局」嘅嚴格審查，外媒消息更指出：「需要確保沒有黨不喜歡的內容才能上架。」其中就包括咗非中國發行嘅「PS5」行版遊戲主機，外媒消息指：「由於中國發行嘅「PS5」行版遊戲主機受到黨嘅限制，部分遊戲依照正當管道係無辦法遊玩的，因此唔少中國玩家會選擇購買水貨並註冊外國帳號，只係希望可以能夠好好玩遊戲。」但係呢個長年遊走喺灰色地帶嘅一連串做法，似乎被對岸打擊走私嘅相關政府部門盯上了，近日中國海關就指出成功破獲一宗涉嫌走私遊戲主機逃稅嘅案件，無諗過居然引發中國玩家群起哀號。

【PS5】中國網民崩潰：「管別的事情可以嗎」中國廣東省公安廳打私局就表示：「此次行動總計抓獲54名嫌疑犯，查扣了大量的「任天堂」、「索尼」以及「微軟」等品牌遊戲主機與遊戲，總價值約7,780萬人民幣（約9221萬港幣），從2018年累計迄今的案件價值約33.8億人民幣（約40億港幣）。」消息一出隨即引起中國網民熱議，絕大多數網民都係指責走私逃稅嘅行徑的確可惡，不過又指出果自家遊戲主機同其他國家沒有差別，遊戲都能夠全數開放嘅話，就唔需要走私！甚至認為如果係咁，再也沒有需要走私嘅理由，甚至有玩家直接留言要中國海關「反省一下為什麼要走私」，可見網民及玩家們喺中國政策下已經陷入水深火熱，更群起哀號指：「管點別的事情吧大哥」。